kvifor heiter cideren gjest?
Cideren GJEST er produsert ved Norane Fruktgard, som ligg plassert ved fjorden på Slinde, ei flott grend mellom bygdene Leikanger og Sogndal.
Men kvifor har cideren fått namnet GJEST?
Historia vil ha det til at den notoriske tjuven Gjest Baardsen, fødd og oppvaksen i Sogndal, på ein av sine mange rømmingar frå fengsel, lensmann og fut, tidleg på 1800-talet, tok seg ut til Nornes, der han stal ein robåt og tok seg over fjorden og vidare opp i fjellet for å sleppe unna loven si lange arm.
Den båten trur vi, og mange med oss, at Gjest Baardsen stal frå eigedomen her hjå oss.
Me har nemleg eit lite område kalla TJUASTAAI.
Frå gamalt av var ei “staa” ein eigna stad kor ein kunne trekkje opp båten når det var dårleg ver eller dårlege høve til å fortøya båten. Namnet Tjuastaai kan sporast tilbake til 1920-åra, men mykje tyder på at namnet vart brukt også på 1800-talet. Den første delen av namnet tyder at det var ein stad kor ubudne gjester eller tjuvar tok seg til rette.
Namnet GJEST fall difor naturleg når vi ser namnet i samanheng med segnet om Gjest Baardsen si flukt frå lensmannen.
Den andre grunnen til at vi valte GJEST som namn på produktet er vår norske tradisjon og kultur med å by folk som kjem til gards noko godt å drikke eller ete. Slik har det vore i mange hundre år, og slik er det framleis mange stader. Det er ein flott gest vi må halde i hevd.
Difor er namnet GJEST ikkje berre knytt til historia om Gjest Baardsen, men like mykje ei påminning om at det kan vera lurt å ha ein boks GJEST eller fleire på lur om det kjem budne eller ubudne gjester på besøk:-)
Skål!
